Gjysmëfinalisti përcaktohet në “Mizahir Isma”

Pasi secila skuadër ka shënuar nga një fitore në dy ndeshjet e para të serisë çerekfinale mes tyre, skuadra që kalon në gjysmëfinale mes Rahovecit e Prizrenit do të përcaktohet sonte nga një ndeshje e tretë vendimtare, e cila luhet me fillim nga ora 17:00 në palestrën “Mizahir Isma” në Rahovec.

Gjatë sezonit të rregullt, Rahoveci dhe Prizreni mes vete u ndeshën gjithsej 4 herë. Tri nga ato takimet u fituan nga Rahoveci, derisa Prizreni triumfoi vetëm një herë. Nëse llogarisim edhe dy takimet e zhvilluara në serinë çerekfinale, nga gjashtë takimet e luajtura mes skuadrave sivjet, bilanci momental është 4-2 në të mirë të Rahovecit.

SKEMA E PLAY OFF-IT

Siç dihet, fituesi nga dueli i sontëm në serinë gjysmëfinale do të përballet me skuadrën e Yllit, derisa në çiftin tjetër gjysmëfinal ndeshen Bashkimi e Prishtina.