GAME 4: NETS - 76ers
FOTO/ nba
Embiid i pakapshëm, Philly afër kualifikimit
21 April, 2019 @1:44
Skuadra e Philadelphia 76ers, duke e mposhtur Brooklyn Netsin me rezultat 108-112, është vetëm një fitore larg gjysmëfinaleve të Konferencës Lindore.
Brooklyn Nets bëri gjithçka për të fituar, madje edhe ishte në epërsi prej 10 pikëve, por qendra gjigande e Philadelphias, Joel Embiid, ishte i pakapshëm në këtë ndeshje.
Embiid shkëlqeu me 31 pikë, 16 kërcime, 7 asistime dhe 6 bllokada, derisa ndihmë mori edhe nga Tobias Harris me 24 pikë, 8 kërcime e 6 asitime dhe Ben Simmons me 15 pikë, 8 kërcime e 8 asistime.
Te Brooklyni më i miri ishte Caris LeVert me 25 pikë, kurse në total pesë lojtarë luajtën me pikë dyshifrore, por nuk mjaftoi për fitore.
Në çerekun e tretë të ndeshjes, tensionet u ngritën për një çast, me ç‘rast Jimmy Butler dhe Jared Dudley u përjashtuan nga loja.
Rezultati në seri është 3-1 në favor të Philadelphias, derisa ndeshja e pestë do të luhet më 24 prill në ora 02:00 pas mesnate.
