Harden dëshiron ta përfundojë karrierën në Houston

Super ylli i Houston Rocketsit, James Harden, ka thënë se dëshiron ta përfundojë karrierën në Houston.

Ditë më parë, Harden ka nënshkruar kontratë 4 vjeçare me vlerë prej 228 milionë dollarësh me “raketat”, derisa kërkon të bëhet kampion:

“Në këtë pikë të karrierës sime, e vetmja gjë që po kërkojë të fitoj është titulli, dua të falenderoj pronarin e klubit Leslie Alexander i cili më dha këtë mundësi, por nëse nuk bëheni kampion atherë këto gjëra nuk kanë asnjë vlerë. Çdo ditë jam duke bërë ushtrime personale dhe kjo nuk do të ndryshojë derisa të bëhem kampion, e di se ku dëshiroj të bëhem kampion dhe të pensionohem, të gjitha do t’i bëjë te Houstoni dhe këtu do ta përfundojë karrierën” ka thënë James Harden.

James Harden stinorin e kaluar luajti me mesatare 29.1 pikë, 11.2 asistime dhe 8.1 kërcime për ndeshje.