E FUNDIT
TOPSPORTI/ A. Paçarizi
Henrik Sirko rikthehet te Peja
10 August, 2021 @13:05
Tashmë edhe zyrtarisht, i përfoluri Henrik Sirko është rikthyer te Peja.
Klubi verdhezi nga Karagaçi disa minuta më parë ka bërë të ditur për rikthimin e kroatit në radhët e veta, ndërsa në njoftim ka shkruar:
“MVP is back. Rikthehet për të vazhduar aty ku mbeti. Henrik Sirko.”
Kroati 198 centimetra i gjatë, tash 28-vjeçar së fundi ka qenë pjesë e Shibenkës në Kroaci, nga qyteti i tij i lindjes, Shibenik.
Ai ka fituar Kupën e Kosovës me Pejën në vitin 2020, duke u shpallë edhe MVP i Kupës.
Sa i përket stinorit të kaluar, Sirko ka pasur mesatare prej 35 minutave për ndeshje në elitën e basketbollit kroat, ndërsa ka shënuar 16.6 pikë për lojë, 4.4 asistime dhe 6.6 kërcime.
Ai luan në pozitat 3-4.
