Të gjitha lajmet

GAME 3: FERONIKELI - VËLLAZNIMI

Historike: KB Feronikeli ngjitet në Superligë!

TOPSPORTI / A.P

Historike: KB Feronikeli ngjitet në Superligë!

20 April, 2019 @20:34

Për herë të parë në histori të klubit, skuadra e Feronikelit sezonin e ardhshëm do të jetë pjesë e Superligës së Kosovës në basketboll!

Skuadra nga Drenasi arriti ta fitojë me rezultat 2-1 serinë finale ndaj Vëllaznimit, për të arritur kështu të ngjitet në Superligë.

Pas dy ndeshjeve të para të serisë, rezultati mes skuadrave ishte 1-1, derisa në ndeshjen vendimtare të luajtur sonte në Drenas, Feronikeli triumfoi me rezultat 70-49, për ta mbyllur kështu sezonin në mënyrë perfekte.

Dy çerekët e parë mes skuadrave ishin kryesisht të barabartë, me të dyja skuadrat që qëndronin shumë pranë njëra-tjetrës në rezultat, por me Niklin që mbante vazhdimisht një epërsi të lehtë. Pas 20 minutave lojë, skuadrat shkuan në pushim me rezultat 30-27.

SKEMA E PLAY OFF-IT

E fituesi i ndeshjes u vendos në çerekun e tretë. Në këtë çerek, Feronikeli shënoi plot 21 pikë, ndërkohë që pranoi vetëm 7, për të shkuar kështu në çerekun e katërt me një epërsi të konsiderueshme. Kjo epërsi u menaxhua mirë, madje u shtua edhe më tepër në çerekun e katërt, dhe kështu ndeshja u mbyll me fitoren e Niklit me rezultat bindës 70-49.

Më i dalluari te Nikli sonte ishte Arti Hajdari me 23 pikë, 4 kërcime e 3 asistime, kurse te Vëllaznimi lojtari i vetëm me pikë dyshifrore ishte Atik Koshi, gjithsej 12.

Edhe pse ishte pjesë e skuadrës, për Vëllaznimin në asnjë moment nuk u inkuadrua amerikani Taaj Ridley, i cili ende nuk është rikuperuar plotësisht nga lëndimi.

Kështu, skuadra që ngjitet nga Liga e Parë në Superligë përmes Play Off-it është Feronikeli nga Drenasi, derisa gjakovarët e Vëllaznimit Superligën tash duhet ta kërkojnë përmes fazës së Play Out-it, ku do të ndeshen me Lipjanin, skuadrën e parafundit në renditjen e Superligës.

RAHOVECI

Lëndohet Davis te Rahoveci! Kur do të kthehet amerikani?

TOPSPORTI / Arian Paçarizi

22 February, 2020 @21:28

Para pak çastesh, nënkampioni i Superligës së Kosovës në basketboll, Rahoveci, ka bërë të ditur se ylli i skuadrës Darell…

KUPA E KOSOVËS

TOP 5-shja e Kupës së Kosovës (Superliga 2019/20)

19 February, 2020 @15:53

Kupa e Kosovës, përfundoi me fitoren e Pejës, ku e mposhti Yllin në finale me rezultat 64-79. TopSporti.com ka…

PAS FINALES

Tifozi që kërceu nga tribunat për të arritur Kupën, në gjendje të mirë

16 February, 2020 @17:02

Një tifoz pejan mbrëmë, kishte kërcyer nga tribunat e Mizahir Ismës për të arritur deri te Kupa e për ta…

KUPA E KOSOVËS / FINALJA

Pas 5 vitesh, Kupa kthehet në Pejë

15 February, 2020 @22:20

Pas 5 vitesh pritjeje, durimit i erdhi fundi. Peja ka arritur të fitojë Kupën e Kosovës për herë të parë…

KUPA E KOSOVËS / FINALJA

Ç3: Ngushtohet epërsia në 6 pikë

15 February, 2020 @21:45

Ka përfunduar edhe çereku i tretë në ndeshjen Ylli - Peja. Pas 30 minutave lojë, rezultati është 57-51, në të…

Të gjitha lajmet nga FBK Superliga