Humbja e fundit nuk e ndryshon qëllimin tonë

Njëri prej basketbollistëve më të rëndësishëm te skuadra e Pejës, Nenad Delic, para ndeshjes së tretë të serisë finale të Play Offit që do të luhet nesër në palestrën Karagaçi në Pejë, ka folur për faqen zyrtare të klubit të tij.

“Në çdo ndeshje kemi qëllim fitoren por siç e dijmë Prishtina është një ekip i mirë  dhe i vështirë për t’u mundur. Finalet do të jenë shumë të vështira por ne e dijmë qëllimin tonë. Fitorja apo humbja nuk do e ndryshoj qëllimin tonë,” ka thënë Delic.

Qendra kroate nga dy ndeshjet e para të serisë finale ka mesatare prej 10.5 pikëve dhe 3 kërcimeve për ndeshje.

Ndeshja e nesërme do të fillojë nga ora 19:30, ndërsa rezultati aktual i serisë është 1-1.