Caktohet orari i ndeshjes së tretë finale

Rezultati i barabartë 1-1 i serisë finale të Play Offit ndërmjet Pejës dhe Sigal Prishtinës, nuk do të qëndrojë shumë.

Baraspesha në rezultat do të prishet të dielën, kur do të zhvillohet ndeshja e tretë e serisë.

Kjo ndeshje do të luhet në palestrën Karagaçi në Pejë, ndërsa do të fillojë nga ora 19:30, njofton faqja zyrtare e Federatës së Basketbollit të Kosovës.

Ndeshjen e parë të serisë e kishte fituar Peja, ndërsa në të dytën fitores iu kishte gëzuar Sigal Prishtina.

Kampionja e Kosovës do të shpallet ajo skuadër e cila do të arrijë e para numrin e tre fitoreve.