PEJË
Hysenagolli dhe Tankelewicz shkëlqejnë në Karagaç
19 November, 2014 @21:08
Skuadra e Bashkimit, falë lojës fenomenale të dyshes Endrit Hysenagolli dhe Tom Tankelewicz ka arritur që të shënojë fitore ndaj Besës në Karagaç të Pejës sonte. Borozani.com
Ekipi prizrenas ka nisur ngadalë ndeshjen, derisa Besa përfundoi çerekun e parë në epërsi të lehtë, 20-19. Më pas ekipi i trajnerit Miodrag Baletic arrin të përfundojë pjesën e parë në epërsi të lehtë, 41-39.
Dallimi në pjesë të dytë
Derisa në çerekun e tretë ndeshja ishte sado-kudo e baraspeshuar, në atë të fundit Bashkimi arrin të ngrit epërsinë, për të fituar në fund me 14 pikë dallim ekipin pejan.
Qendra shqiptare e prizrenasve, Hysenagolli, ka pasur paraqitje fantastike për ekipin duke shënuar 23 pikë e 15 kërcime për të kompletuar double-double’in e radhës, derisa atij i ndihmoi edhe koshashënuesi më i mirë i ekipit dhe i ndeshjes sonte, amerikani Tom Tankelewicz që shënoi 26 pikë, derisa ndihmoi edhe me 6 kërcime, 5 asistime dhe 2 vjedhje topi.
King me double-double
Qendra e re amerikane, Tawaski King, ka shënuar double-double’in e parë në Superligë të Kosovës në paraqitjen e dytë të tij me Bashkimin, duke regjistruar shifrën e 13 pikëve dhe 10 kërcimeve në ndeshje.
Te Besa më i dalluar ka qenë Manny Richardson, me 22 pikë dhe 12 kërcime, derisa Dominique Scales dhe Shawntez Patterson kanë qenë lojtarët tjerë të vetëm që kanë shënuar pikë dyshifrore në ekip - 12 dhe 10 sosh.
Fitorja e gjashtë e Bashkimit vjen para ndeshjes ndaj Kastriotit, derisa Besa ka regjistruar disfatën e shtatë para takimit me Sigal Prishtinën.
Statistikat ekipore
| BESA | BASHKIMI | ||
| Çereku i parë | 20 | 19 | |
| Çereku i dytë | 19 | 22 | |
| Çereku i tretë | 14 | 19 | |
| Çereku i katërt | 16 | 23 | |
| Kërcime | 32 | 42 | |
| Asistime | 16 | 19 | |
| Bllokada | 1 | - | |
| Topa të vjedhur | 6 | 8 | |
| Topa të humbur | 12 | 18 | |
| Tentime për tre pikë | 3/23 | 6/17 | |
| Tentime nga loja | 24/70 | 30/62 | |
| Gjuajtje të lira | 18/25 | 17/28 |
Statistikat individuale te Besa
| 1 | Manny Richardson | 22 pikë | 12 kërcime | 2 asistime |
| 2 | Dominique Scales | 12 pikë | 4 kërcime | |
| 3 | Shawntez Petterson | 10 pikë | 4 kërcime | 2 asistime |
| 4 | Umar Shannon | 9 pikë | 9 asistime | 3 kërcime |
| 5 | Beqë Kovaqi | 7 pikë | 4 kërcime | 2 asistime |
| 6 | Arian Qallaku | 4 pikë | 1 kërcim | 1 asistim |
| 7 | Sami Hajzeraj | 4 pikë | 2 kërcime | |
| 8 | Dion Basha | 1 pikë | 2 kërcime |
Statistikat individuale te Bashkimi
| 1 | Tom Tankelewicz | 26 pikë | 6 kërcime | 5 asistime |
| 2 | Endrit Hysenagolli | 23 pikë | 15 kërcime | |
| 3 | King Tawaski | 13 pikë | 10 kërcime | 1 asistim |
| 4 | Spencer Dixon | 10 pikë | 4 asistime | |
| 5 | Qëndrim Biraj | 4 pikë | 4 kërcime | 2 asistime |
| 6 | Altin Morina | 3 pikë | 4 kërcime | 3 asistime |
| 7 | Kreshnik Juniku | 2 pikë | 2 kërcime | 1 asistim |
| 8 | Ujkan Karanezi | 2 pikë |
