KOSHASHËNUESI I EUROLEAGUE
I pari me ngjyrë në përfaqësuesen e Turqisë
22 April, 2014 @19:15
Keith Langford pritet të jetë basketbollisti i parë me ngjyrë që do ta vesh fanellën e Turqisë. Amerikani 31 vjeçar i skuadrës Emporio Armani Milan është pajisur me pasaportë turke, njofton faqja sportando.com.
Langford sivjet është duke kaluar një stinor të shkëlqyer në Emperio Armani Milan, duke kryesuar në listën e koshashënuesve në Euroleague me mesatare prej 17.1 pikëve, derisa skuadra e tij është duke luftuar me Maccabi Tel Aviv për ta siguruar Final Four-in.
Gjithnjë sipas faqes sportado, Langford pritet të jetë pjesë e përfaqësueses së Turqisë në Kampionatin Botëror që do të mbahet këtë verë në Spanjë.
Pjesë e përfaqësueses turke është edhe i riu kosovar, Kenan Spahi, i cili një kohë të gjatë ka mbetur jashtë palestrave për shkak të lëndimit.
