Shkarkohet Mike Woodson

Skuadra e New York Knicks kaloi një stinor katastrofal krahas me vitin e kaluar që e kishte përfunduar në vendin e dytë në Konferencën Lindore, pasi që sivjet ata nuk arritën as të hyjnë në Play Off.

Si pasojë e dështimit të sivjetëm, të pashmangshme ishin edhe ndryshimet drastike në klub.

Ndryshimi i parë drastik në skuadër ndodhi para se të përfundoj stinori i rregullt, kur në postin e kryetarit të klubit u emërtua ish trajneri legjendar, Phil Jackson, ndërsa ndryshimi i dytë ndodhi me shkarkimin e trajnerit Mike Woodson.

Jackson, duke njoftuar publikun për shkarkimin e trajnerit Woodson, tha: “Kemi shumë respekt ndaj Mike Woodsonit dhe stafit të tij. Trajneri së bashku me lojtarët, kaluan një stinor tepër të vështirë, nuk është e drejtë që të ngarkohet dështimi tek një person, por për stinorin e ardhshëm, dëshirojmë që të krijomë një skuadër më mirë, punimet do të bëjmë që prej tash.”

New York Knicks, e kishte përfunduar stinorin me 37 fitore e 45 humbje.