ILIR SELMANI, ND. TRAJNER I TREPÇËS
Ilir Selmani, ndihmës-trajner i Trepçës/ BOROZANI/ L. D.
Ilir Selmani: Forca jonë me 3 mungesa është kjo
5 December, 2016 @8:32
Përkundër përkrahjes së madhe që e kishin në fushë të lojës prej publikut që kishte udhëtuar nga Mitrovica për t’i përkrahur në Pejë, Trepça nuk arriti t’i bëj ballë Pejës me mungesat që kishte.
Këtë pas ndeshjes e theksoi edhe ndihmës trajneri i Trepçës, Ilir Selmani, që tha se mungesa e Mise Diminicit dhe Eric Stutzit kanë ndikuar te ekipi, që mbeti edhe pa më të mirin deri në ato çaste, Jeremy Wise.
“Na kanë munguar Mise Diminic dhe Eric Stutz, ndërsa heret mbetëm edhe pa Jeremy Wisen. Djemtë dhanë maksimumin e tyre ndërsa ndeshja ka qenë shumë e fortë. Kjo është forca e Trepçës pa tre lojtarët që na munguan. Kemi luajtur kryesisht me vendorë, ndërsa e përsëris që lojtarët dhanë maksimumin,” ka thënë Selmani, ndihmëstrajner i Trepcës, shkruan Koha Ditore sot.
Trepça kishte avantazh prej 9 pikësh pas fundit të pjesës së parë të ndeshjes ndaj Pejës dje. Mirëpo, largimi i playmakerit amerikan, Jeremy Wise, për shkak të dy gabimeve teknike si dhe mungesa e lojtarëve tjerë e bëri të veten.
Trepça me këtë disfatë mbetet ekipi i vetëm nga katërshja e madhe që nuk ka fituar asnjërën nga rivalet për titull: Sigal Prishtina, Peja dhe Bashkimi.
