Ish lojtari i skuadrës kosovare ngjitet në Superligën e Turqisë

Dikur luante në Superligën e Kosovës me skuadrën e Hajvalisë, por që nga stinori i ardhshëm ai do të luajë në Superligën e Turqisë përballë skuadrave të forta si Fenerbahçe, Galatasaray e Besiktas.

Është ky braziliani Sergio Junior, apo i njohur ndryshe si Serginho.

Sergio është shpallur kampion i Ligës së Parë të Turqisë me skuadrën e tij Giresunspor, duke siguruar kështu garimin në Superligë për stinorin e ardhshëm.

Braziliani për Hajvalinë kishte luajtur gjatë stinorit 2015/16, për të ndërruar më pas disa skuadra nga Shqipëria dhe Maqedonia Veriore si Skënderbeu, Laçi, Rabotnicki e Shkupi, para se të transferohej në Giresunspor në fillim të këtij stinori.

Sergio në kohën sa luante për Hajvalinë ka qenë një ndër lojtarët më të dalluar në Kosovë.