E NJIHNI KEN BROWNIN?
BOROZANI/L.D.
Ish lojtari i Trepçës te Lietuvos Rytas
16 January, 2016 @20:08
Para pak më shumë se një vjet, ai ka qenë pjesë e ekipit të Trepçës. Cilësia e tij ka qenë e dukshme, ndërsa amerikani Ken Brown, pat lënë ekipin në pjesë të parë të stinorit për të ikur në nëntor të vitit 2014 për në elitën e basketbollit polak.
Lojërat e mira e kanë bërë atë që prej ekipit Dabrowa të Polonisë të kërcejë në Groningen të Holandës gjatë periudhës dhjetor 2014 - dhjetor 2015, ndërsa nga ky janar ai do të jetë pjesë e ekipit të njohur lituanez, Lietuvos Rytas, që është ndër ekipet më të mira të basketbollit të këtij vendi.
