Shoshi: Fituam me lojë agresive

Basketbollisti i dikurshëm i Besës së Pejës, Lis Shoshi, që tashmë dy vjet gjindet në SHBA, ka nisur me fitore stinorin e ri në NCAA SunBelt Conference me ekipin e tij universitar Arkansas Little Rock Trojans. 

Shoshi, u bë temë e mediave të atjeshme me një depërtim dhe ngulitje impresive, ndërsa në fitoren 81-55 ndaj Appalachian State ka shënuar 12 pikë e 6 kërcime. 

Kur u pyet lidhur me dëpërtimin dhe ngulitjen e tij, Shoshi 211 centimetra i gjatë ka thënë: 

“Trajneri na tha që të jemi më agresivë në fushë dhe ajo erdhi vetëvetiu.” 

Shoshi luan atje në pozitën e alos dhe alo qendrës, ndërsa në fund të qershorit do t’i mbush 22 vjet.