ISTOGU - KERASAN PRISHTINA
Istogu me dominim total ndaj Kerasan Prishtinës
17 November, 2019 @23:36
Skuadra e Istogut e mposhti Kerasan Prishtinën me rezultat 84-62.
Ndeshja për Istogun kaloi më lehtë se sa që ka pritur. Djelmoshat e trajnerit Fikret Shatri ishin në epërsi në çdo çerek të ndeshjes.
Si zakonisht te Istogu edhe në këtë ndeshje më i miri ishte Diamant Shabani. Ai shkëlqeu me 26 pikë, 17 kërcime, 5 asistime e 4 topa të rrëmbyer. Lojë të mirë tregoi edhe Labinot Kelmendi me 20 pikë, 8 kërcime e 3 asistime.
Te Kerasan Prishtina më të veçuarit ishin Endrit Berisha me 21 pikë dhe Edin Peci me 17 pikë të tjera.
Istogu me një ndeshje më pak gjendet në pozitën e tretë me 3 fitore e 1 humbje, kurse Kerasan Prishtina është në pozitën e dytë me 3 fitore e 2 humbje.
Në xhiron tjetër, Istogu e pret liderin pa humbje Vëllaznimin, kurse Kerasan Prishtina pushon.