ISH QENDRA E PRISHTINËS
Jason Washburn, derisa ishte te Sigal Prishtina/ BOROZANI/ D.S.
Jason Washburn transferohet në Japoni
11 August, 2016 @20:17
Ish qendra e Sigal Prishtinës, Jason Washburn, ka nënshkruar me skuadrën japoneze Yokohama B-Corsairs.
Washburn 26 vjeçar, ishte njëri ndër lojtarët kryesorë të Prishtinës në stinorin e kaluar. Ai ka qenë ndër koshashënuesit më të mirë të Superligës stinorin e kaluar, ku ka pasur mesatare prej 17.2 pikëve për ndeshje dhe 8.8 kërcimeve për ndeshje.
Qendra amerikane që u lëndua në ndeshjen e parë të tij dhe pastaj u desht muaj për t’iu rikthyer parketit, kishte arsyetuar besimin e dhënë nga bardhekaltërit duke u bërë njëra ndër ‘violinat’ kryesore të ekipit.
Sigal Prishtina stinorin e kaluar fitoi ligën ballkanike, titullin kampion dhe Kupën e Kosovës, derisa debutoi edhe në FIBA Europe Cup, ku përfundoi aventurën në fazën grupore me bilanc 2-4.
Ai ka qenë i përzgjedhur në pesëshen më të mirë të stinorit të kaluar si dhe ekipin më të mirë defanziv të stinorit të kaluar.
Washburn gjatë shtatorit të këtij viti do të jetë kundërshtar i Kosovës në kualifikime për Eurobasket 2017, pasi që ai ka pranuar nënshtetësinë bullgare.
Kosova dhe Bullgaria janë në të njejtin grup kualifikues për Eurobasket 2017, derisa favorit i grupit është Sllovenia.
