Melo shkëlqen, në duelin e parë serioz për amerikanët

Carmelo Anthony ka shënuar 31 pikë, 8 kërcime dhe 2 topa të vjedhur në përballjen e tretë të Grupit A në Rio 2016, ku SHBA-të mposhtën Australinë me 10 pikë epërsi sot.

Ky ka qenë dueli i parë pak më serioz i SHBA-ve, të cilën të përzgjedhurit e Mike Krzyzewski e kontrolluan mirë, posaçërisht në pjesë të dytë të ndeshjes, kur edhe krijuan epërsinë vendimatre.

Përveç Melos, te SHBA-të u dalluan edhe Kyrie Irving me 19 pikë, 5 asistime e 2 kërcime e Kevin Durant me 15 pikë, 5 kërcime e 1 asistim në fitoren 98-88.

Në anën tjetër, 30 pikët e Patty Millsit shkuan më kot, ndërsa Andrew Bogut shënoi 15 pikë e Mattew Dellavedova e përfundoi ndeshjen me double-double prej 11 pikëve, 11 asistimeve e 6 kërcimeve.

Kjo ka qenë humbja e parë e Australisë në Grupin A dhe tashmë SHBA-të janë ekipi i vetëm që vazhdon bilancin perfekt në grup me 3-0. Australia është e dyta me 2-1.