NË KRYEQYTET
Sigal Prishtina zyrtarizon Hindsin
10 August, 2016 @11:58
Pak orë pas njoftimit të botuar lidhur me përforcimin e parë të huaj të Prishtinës për stinorin 2016/17, Sigal Prishtina e ka zyrtarizuar atë, duke njoftuar përmes faqes zyrtare të bardhekaltërve në Facebook.
“Ashtu siç premtuam dje, sot vazhdojmë me lajmet e radhës, ku bëhet fjalë për përforcimin e radhës, fundorin 24 vjeçar Jabarie Hinds,” ka shkruar njoftimi i Sigal Prishtinës.
Hinds do të luajë për herë të parë si profesionist, pasi që posa ka dalë nga kolegji i tij i Massachusettsit te liga NCAA.
Në ndërkohë, kampionja e Kosovës ka paralajmëruar se prej orës 13 do të zbulojë edhe përforcimin e radhës në ekip, që është lojtar vendor.
