RIO 2016
Spanja drejt eliminimit
10 August, 2016 @9:06
Kampionët aktual evropian dhe tre herë nën-kampionët olimpik, kombëtarja e Spanjës është pranë eliminimit nga Olimpiada e Rios.
Ata mbrëmë u mposhtën në çastet e fundit nga Brazili 66-65, duke pësuar humbjen e dytë në po aq ndeshje. Të parën e kishin pësuar nga Kroacia.
Sergio Llull nuk arriti të shfrytëzonte 6 sekondat e fundit pas koshit të Marquinhos në aksionin e fundit të Brazilit. Paraprakisht Pau Gasol kishte huq dy gjuajtje të lira.
Te Brazili është dalluar Marcelinho Huertas me 11 pikë e 7 asistime, si dhe Marcus Marquinhos me 10 pikë e 5 kërcime.
Te spanjollët, double-double i Pau Gasolit ka shkuar huq, 13 pikë e 10 kërcime, pasi që ekipi humbi.
Pas kësaj ndeshjeje, Spanja ka bilanc 0-2, ndërsa Brazili 1-1 pas dy xhirove të para në Grupin B.
Sot në Olimpiadë, në ora 19:15 ndeshen France dhe Serbia, derisa në mesnatë Australia dhe SHBA-të.
