CONSTANTINIDES - PAS NDESHJES
Foto: KB Prishtina Official/ Qendrim Ternava
Jemi shumë seriozë
10 February, 2016 @13:47
Sigal Prishtina nuk ka të ndalur nën drejtimin e Antonis Constantinidesit. Ata mbrëmë mposhtën edhe Levskin 2014 për të marrë primatin e Grupit D të BIBL, ndërsa ngrenë serinë e fitoreve në 9-0 në të gjitha garat me trajnerin e ri.
“Jemi shumë ekip serioz. Kemi luajtur mirë në sulm dhe në mbrojtje. Kjo është arsyeja pse po fitojmë lehtë,” ka thënë qiprioti pas ndeshjes për faqen zyrtare të BIBL.
Sigal Prishtina tashmë ka dy fitore nga dy ndeshje në Grupin D dhe është afër sigurimit të gjysmëfinales së BIBL.
Në përballjen e radhës në kuadër të BIBL, bardhekaltërit, që janë edhe kampionë aktual të kësaj lige, ndeshen me Pejën.
