Jo lehtë, por kampioni s’lejon befasi

Në ndeshjen hapëse të xhiros së pestë të Superligës së Kosovës në basketboll, Bashkimi ka shënuar fitore jo të lehtë me rezultat 82-77 ndaj Lipjanit.

Skuadra mysafire ishte më e mirë në pjesën e parë, mirëpo përvoja e kampionit në fuqi bëri që rezultati të përmbyset në pjesën e dytë dhe ndeshja u mbyll me fitoren e vendasve, përkundër faktit që skuadra e Lipjanit nuk u dorëzua deri në fund të takimit.

TABELA AKTUALE

Më i dalluari te Bashkimi sonte ishte Jordan Capps me 29 pikë, 8 kërcime e 5 asistime, kurse te Lipjani u veçua Maurice Williams me 20 pikë, 6 kërcime e 4 asistime.

Pas 5 xhirove, Bashkimi ka bilanc 2-3, kurse Lipjani 1-4. Sa i përket xhiros së ardhshme, Bashkimi i shkon Boreas, kurse Lipjani e pret Yllin.