Kampioni e nis me humbje, mposhtet nga Ylli

Me humbje e ka filluar sezonin e ri të Superligës kampioni në fuqi i Kosovës, Bashkimi.

Prizrenasit sot u mposhtën në shtëpi nga Ylli, pas një takimi që ishte mjaft interesant dhe që u mbyll me rezultatin përfundimtar 84-86.

TABELA AKTUALE

Skuadra suharekase ishte më e mirë në tre çerekët e parë të ndeshjes, ndërsa vendasit ‘u zgjuan nga gjumi’ shumë vonë dhe përmbysja e rezultatit u bë e pamundur, duke bërë kështu që ndeshja për prizrenasit të mbyllet me humbje.

Alexander Gorski ishte lojtari më i dalluar i Bashkimit me 19 pikë, 4 kërcime e 1 asistim, kurse te Ylli sonte u veçua Robert Jones III me 21 pikë e 6 kërcime.

Në xhiron e dytë, Bashkimi i shkon Rahovecit, kurse Ylli Trepçës.