CSKA vs REAL
Kampioni harron humbjen, fitorja e gjashtë me radhë
11 November, 2016 @22:05
Kampioni aktual i Euroleagues, CSKA Moska, edhe në ndeshjen e gjashtë, ka ditur të dalë nga salla me fitore.
Kësaj radhe nuk e kishin punën aq të lehtë, pasi që luajtën kundër Real Madridit, ndeshja përfundoi me rezultat të ngushtë, megjithatë fituan për një pikë dallim 91-90.
Françezi në super formë, Nando De Colo, shkëlqeu me 28 pikë e 6 kërcime, derisa në anën tjetër u mundua Sergio Llull me 21 pikë t’ia sjellë fitoren skuadrës por nuk mjaftuan.
Kjo ishte fitorja e gjashtë e CSKA-së pas po aq xhirove, derisa Reali ka bilanc prej 4 fitoreve e dy humbjeve deri më tani.
