EKSKLUZIVE
Bashkimi rikthen Yll Kaçanikun
11 November, 2016 @21:05
Skuadra e Bashkimit ka shtuar forcë të re në përbërjen e saj.
Borozani.com ka mësuar ekskluzivisht që portokallezinjtë kanë arritur marrëveshje me ish basketbollistin e tyre, Yll Kaçanikun, i cili pritet t’i bashkohet skuadrës në ndeshjet e ardhshme.
Kjo do të jetë hera e dytë që Kaçaniku do ta vesh fanellën e Bashkimit, ngaqë basketbollisti ishte transferuar te Bashkimi edhe në janar të këtij viti, mirëpo vetëm pas dy javëve u largua nga Prizreni pasi kishte gjetur angazhim te skuadra turke, Istanbulspor.
Bashkimi ditë më parë ishte përforcuar edhe me dy basketbollistë të tjerë të huaj, Eric Palm dhe Ermin Jazvin.
