NË "SHANI NUSHI"
BOROZANI/ A. Paçarizi
Vëllaznimi - Ylli, hapin xhiron VII
11 November, 2016 @9:34
Skuadra e Vëllaznimit të Gjakovës që ka vetëm një fitore deri tash në Superligë, zhvillon sonte ndeshjen e xhiros së shtatë të Superligës ndaj Yllit të Suharekës, që njëkohësisht është dueli i parë i xhiros VII të kampionatit.
Ekipi gjakovar do të tentojë që të befasojë Yllin. Ekipi suharekas së fundi ka larguar dy basketbollistë të huaj nga ekipi dhe do të jetë paksa më i dobësuar, por kjo nuk e zbeh epitetin e favoritit të ‘energjikëve’ të Yllit në duel ndaj kuqezinjëve të Gjakovës.
Dueli në “Shani Nushi” zhvillohet sonte me fillim në ora 18.
Vëllaznimi ka shënuar vetëm një fitore deri tani në Superligë, kurse Ylli dy.
Orari i ndeshjeve:
| Sot në ora 18 (11.11.2016) | KB Vëllaznimi - KB Ylli | ||
| Nesër në ora 15 (12.11.2016) | KB Kerasan Prishtina - KB Trepça | ||
| Nesër në ora 18e30 (12.11.2016) | KB Sigal Prishtina - KB Rahoveci | ||
| U shtye | KB Bashkimi - KB Peja |
