SPURS vs ROCKETS
nba.com
Harden shpërthen, Houston fiton derbin e Teksasit
10 November, 2016 @9:20
Derbi i Teksasit i zhvilluar në AT&T Center, ndërmjet San Antonio Spursit dhe Houston Rocketsit, përfundoi me fitoren e raketës, duke e mposhtur kundërshtarin me rezultat 101-99.
San Antonio Spurs kishte një mundësi të artë në fund të ndeshjes, por LaMarcus Aldridge, nuk arriti të shënojë nga afërsia dhe kështu pësuan humbjen e tretë të stinorit.
James Harden shkëlqeu përsëri, duke arritur shifrat magjike triple-double me 24 pikë, 15 asistime e 12 kërcime.
Te Spursat, më i miri ishte Kawhi Leonard me 34 pikë të shënuara, por nuk mjaftuan për fitore.
Kjo ishte fitorja e pestë e Houstonit, të cilët i kanë edhe 3 humbje të regjistruara; të njejtin bilanc është duke mbajtur edhe San Antonio Spurs, 5-3.
