KARPOS - TIRANA
Tirana mposhtet në çastet e fundit
9 November, 2016 @20:50
Në xhiron e katërt të Grupit B, Tirana është mposhtur në çastet e fundit nga skuadra e Karposit.
Me përjashtim të çerekut të parë, Tirana zhvilloi një ndeshje mjaft të mirë, ndërsa 1 minutë para fundit rezultati ishte i barabartë në 74-74, mirëpo vendasit u treguan më të përqëndruar dhe e fituan takimin me dy shënime në çastet e fundit.
Më të dalluarit tek skuadra nga kryeqyteti shqiptar ishin i posardhuri Gerti Shima me 23 pikë e 13 kërcime, Endrit Hysenagolli me 17 pikë e 11 kërcime dhe Griffin Ramme me 16 pikë, 6 kërcime e 2 asistime.
Tek vendasit e Karposit u dalluan Kendrick Perry me 15 pikë, 2 kërcime e 6 asistime dhe Dragan Zekovic me 14 pikë e 8 kërcime.
Kjo ishte fitorja e parë e Karposit pas 3 ndeshjeve, ndërsa Tirana ka 3 humbje e 1 fitore në 4 takimet e luajtura deri më tani.
