Prishtina në finale të BIBL!

Në kërkim të trofeut të tretë të BIBL, Prishtina ka kaluar gjysmëfinalen e Final Fourit të BIBL duke e mposhtur ekipin malazez Lovçen të premten, duke e fituar ndeshjen pastër, 89-69.

Donovan Smith me 14 pikë ka qenë më efikasi te Prishtina, ndërsa Shaheed Davis me 12 dhe Henrik Sirko me 11 të tjera kanë qenë kontribuesit kryesor në fitoren e ekipit të Albert Sylejmanit.

Prishtina në finale luan ndaj AEL-it qipriot, ku këta të fundit në gjysmëfinalen tjetër të Final Fourit fituan Pejën.

Lovçen, të dielën pasdite luan me Pejën ndeshjen për vend të tretë në BIBL.