FIBA EUROPE CUP
Dahlman: Jemi të fortë në Karagaç
9 November, 2016 @11:04
Basketbollisti amerikan i Pejës, Noah Dahlman, beson se ekipi i tij nuk duhet të bëj shumë gabime në ndeshjen e sontme ndaj Clujit për të arritur te fitorja.
Në një prononcim për faqen zyrtare të ekipit, Dahlman ka thënë se Peja në shtëpi është ekip shumë më i fortë.
“Do të jetë ndeshje shumë e ngushtë. Cluj është i fortë dhe ne nuk kemi hapësirë për të bërë gabime,” ka thënë fillimisht ai.
“Ndjehem mirë para kësaj ndeshjeje dhe mendoj se jemi ekip shumë i fortë në prani të tifozëve tonë,” ka shtuar Dahlman.
Peja sonte ndeshet me ekipin e vetëm të pamposhtur të grupit, Cluj. Peja para ndeshjes së sontme ka bilanc 1-2, ndërsa Cluj 3-0.
