CLIPPERS vs PISTONS
Clippers çmonton Pistonsin
8 November, 2016 @9:37
Forma e mirë e Los Angeles Clippersit vazhdoi edhe në ndeshjen kundër Detroit Pistonsit.
Clippers e mposhti kundërshtarin bindshëm me rezultat 114-82, në Staples Center.
Chris Paul shkëlqeu me performancën e tij, i cili shënoi 24 pikë dhe ishte i saktë 100% (5/5) nga vija e treshit, gjithashtu i bëri 8 asistime dhe i rrëmbeu 6 kërcime.
Te Detroiti më i dalluari ishte Andre Drummond, i cili luajti me double-double (15 pikë e 12 kërcime), por ishte i pa mjaftueshëm për ndonjë befasi eventuale karshi Clippersave në formë të lartë.
Kjo ishte fitorja e gjashtë e Clippersave, të cilët kanë vetëm një humbje pas 7 ndeshjeve të zhvilluara.
