PARA DUELIT PRISHTINA-DEMIR IBB
BOROZANI/D.S.
Sarin: Demir IBB është favorit ndaj Prishtinës
8 November, 2016 @18:36
Të mërkurën, Sigal Prishtina, është nikoqire e ekipit turk, Demir IBB, në kuadër të FIBA Europe Cup.
Ekipi i Sigal Prishtinës është duke e kërkuar fitoren e parë në Grupin H dhe pritet të shihet nëse nesër do ta arrijë atë.
“Ne do të ballafaqohemi me skuadrën objektivisht shumë të fortë, gjë që është dëshmuar në duelin e parë. Megjithatë Prishtina tani është një ekip krejt tjetër, po luajmë shumë më mirë, si dhe klubi është në ritëm pozitiv. Ne do të luftojmë shumë me Demirin dhe nëse na jepet rasti ne do ta shfrytëzojmë dhe do të bëjmë përpjekje për të fituar. Ata janë favorit absolut, por unë besoj se me ndihmën e lojtarit tonë më të mirë, pra tifozëve, do t’ia dalim t’ia prishim llogaritë Demirit,” - ka thënë Jeronimo Sarin, trajneri i Sigal Prishtinës për FBK-në sot.
Sigal Prishtina është e fundit në grup me bilanc 0-3 pas tri ndeshjeve të para. Në anën tjetër, Demir IBB, ka bilanc 2-1.
GRUPI H i FIBA EUROPE CUP:
| 1 | Enisey (RUS) | 3-0 | ||
| 2 | Demir Insaat (TUR) | 2-1 | ||
| 3 | Rilski Sportist (BUL) | 1-2 | ||
| 4 | Sigal Prishtina (KOS) | 0-3 |
