LAKERS - RAPTORS
Kampioni me mungesa, ndal serinë e Lakersave
11 November, 2019 @8:55
Kampioni aktual i NBA-së, Toronto Raptors, arriti ta ndal serinë prej 7 fitoreve rresht të Lakersave, duke i mposhtur me rezultat 104-113.
Toronto luajti pa yjet Kyle Lowry e Serge Ibaka, derisa pas Los Angeles Clippers u bë skuadra e dytë që e mposhti në këtë stinor Lakersin.
Pascal Siakam ishte më i miri në këtë ndeshje me 24 pikë, 11 kërcime e 4 asistime, derisa mori ndihmë edhe nga Fred VanVleet me 23 pikë, 10 kërcime e 7 asistime.
Te Lakers super ylli LeBron James luajti me triple-double prej 13 pikëve, 15 asistimeve e 13 kërcimeve, derisa koshashënuesi më i miri ishte super ylli Anthony Davis me 27 pikë.
Edhe Raptors edhe Lakers kanë bilanc prej 7 fitoreve e 2 humbjeve. Lakers gjendet në pozitën e parë në Konferencën Perëndimore, derisa Toronto në pozitën e dytë në Konferencën Lindore.