PAS PUSHIMIT 4 DITOR
Kampioni, nuk mposhtet në shtëpi
24 December, 2015 @9:27
Golden State Warriors pas katër ditëve pushim dhe dy ditëve pa stërvitje është kthyer me fitore në parket, duke e mposhtur Utah Jazzin në shtëpi 103-85.
Kampionët e NBA-së janë treguar të pamëshirshëm ndaj ‘xhezerëve’ ndërsa kanë shënuar fitore me afro 20 pikë epërsi.
Klay Thompson ka shënuar 20 pikë, ndërsa Steph Curry 16 pikë e 9 asistime në ndeshjen ku 4 basketbollistë të kampionit shënuan pikë dyshifrore e Andrew Bogut e përfundoi me double-double 10 pikë + 13 kërcime.
Te Utah më efikasi ka qenë Derrick Favors me 17 pikë të shënuara.
‘Luftëtarët’ aktualisht kanë bilanc 27-1, ndërsa ‘xhezerët’ 12-15.
