Kampionja tregon forcën e saj

Skuadra e Pejës sonte ka arritur ta kthej vetëbesimin e saj, të cilin e kishte humbur pas moskualifikimit në Play Off të Ligës Ballkanike.

Verdhezinjtë sonte u treguan superior duke shënuar fitore ndaj rivalit të drejtpërdrejtë për titull, Sigal Prishtinës, të cilën e mposhtën me rezultat 80-66.

Çereku i parë i ndeshjes kryesisht ishte e barabartë, ku herë njëra, e herë tjetra skuadër kalonte në epërsi, derisa rezultatin e kësaj periudhe e përcaktoi trepikëshi në sekondat e fundit të Mario Edwardsit, që shënoi për rezultatin 19-20.

Dominimi i pejanëve filloi në çerekun e dytë. Ekipi i trajnerit Bujar Loci me anë të mbrojtjes së fortë e ndali Prishtinën në vetëm 7 pikë dhe krijoi epërsi deri në 11 pikë (38-27). Gjatë kësaj periudhe Prishtina u mundua të kundërpërgjigjej me anë të tentimeve për tre pikë, mirëpo efikasiteti i dobët nga vija e treshit ndikoi që të krijohet epërsia e Pejës.

Deri në fund të takimit Peja arriti ta ruaj epërsinë e krijuar falë lojës efikase të Gerti Shimës, derisa në fund të takimit verdhezinjtë iu gëzuan fitores me rezultat 80-66.

Koshaverazhi në të mirë të Prishtinës

Me fitoren e sontme të Pejës, rezultati në ndeshjet e ndërsjella ndërmjet Sigal Prishtinës dhe Pejës është barazuar në 2-2. Kjo do të thotë që në rast se nuk ndodh ndonjë befasi e madhe dhe këto dy skuadrat i fitojnë ndeshjet e mbetura në Superligë, atëherë pikët do të jenë të barabarta dhe do të llogaritet koshaverazhi ndërmjet tyre.

Në këtë rast, Prishtina do të renditet në pozitën e parë, kurse Peja e dyta, pasi që ekipi prishtinas ka të shënuar 5 pikë më shumë se Peja.

Rezultatet dhe tabela aktuale.

Statistikat ekipore:

	Peja	Sigal Prishtina
Çereku 1	19	20
Çereku 2	19	7
Çereku 3	26	20
Çereku 4	16	19
Kërcime	43	33
Asistime	21	12
Bllokada	1	-
Topa të vjedhur	7	8
Topa të humbur	13	15
Tentime për tre pikë	7/24	5/28
Tentime për dy pikë	20/40	20/39
Tentime nga gjuajtjet e lira	19/25	11/19

Statistikat individuale te Peja:

1	Samir Shaptahovic	16 pikë	8 asistime	6 kërcime
2	Mario Edwards	16 pikë	6 asistime	5 kërcime
3	Gerti Shima	28 pikë	7 kërcime	1 asistim
4	George Oduwufa	2 pikë	10 kërcime	1 asistim
5	Teo Simovic	18 pikë	12 kërcime	4 asistime

Statistikat individuale te Sigal Prishtina:

1	Dardan Berisha	24 pikë	3 kërcime	3 asistime
2	Tay Waller	13 pikë	4 kërcime	1 asistim
3	Blerim Mazreku	12 pikë	7 kërcime
4	Kendrick Jones	8 pikë	7 asistime	6 kërcime
5	Fisnik Rugova	4 pikë	3 kërcime
6	Edmond Azemi	2 pikë	6 kërcime	1 asistim
7	Alban Veseli	2 pikë	4 kërcime
8	Granit Rugova	1 pikë