Kamza shkruan historinë

Dominimi pesë vjeçar i Tiranës në basketbollin shqiptar ka marrë fund. Kampione e re e Shqipërisë është shpallur skuadra Kamza Basket, e cila për herë të parë në historinë e saj e shijoi këtë gëzim.

Në finalen e playoffit Kamza arriti që ta mposhtë Vllazninë e Shkodrës me rezultat të përgjithshëm 3-0, ndërsa titullin e parë në histori kamzalinjtë e ngritën pas fitores së mbrëmshme që përfundoi me epërsi prej 27 pikëve, pranë rezultatit 81-54.

Vllaznia, e cila drejtohet nga trajneri i mirënjohur, Bledar Gjeçaj, nuk kishte forcën e duhur në serinë finale për ta mposhtur së paku njëherë skuadrën e Kamzës, e cila në krye me Endrit Hysenagollin, Erkand Karajn dhe kapitenin Afrim Bilalli ishte e pandalshme në palestrën sportive të Bathores që ishte e mbushur përplot.

Rezultatet e serisë finale