Kandemir mund ta lë Besiktasin

Ish trajneri i Prishtinës, Ahmet Kandemir, mund ta lë Besiktasin në fund të këtij stinori. 

Në një intervistë për NTV Sporin turk, Kandemir ka kërkuar ndihmën e tifozëve për ndeshjen e radhës të Besiktasit në kuadër të Eurocupës, derisa ekipi nuk ka arritur të fitojë që nga dhjetori kur kishte shënuar 6 fitore me radhë. 

“Në fund të stinorit, pa marrë parasysh çka do të ndodh me ekipin, kudo që të përfundojmë, unë nuk do të vazhdojë të jem më trajner i Besiktasit. Unë nuk jam njeri që ia qes fajin dikujt dhe iki. E marrë përgjegjësinë dhe largohem, nëse vazhdojmë në këto kushte,” ka thënë për televizionin në fjalë ish trajneri i Prishtinës, që pat fituar Kupën e Kosovës me ekipin prishtinas. 

Besiktasi është në vend të gjashtë të ligës elite turke me 10 fitore e 8 disfata, ndërsa ka rënë në vend të tretë të Grupit M të Eurocup, me bilanc 2 fitore e 3 humbje. 

Kandemir kishte lënë Prishtinën vetëm për shkak se e kishte thirrur Besiktasi, që është ekip i zemrës së trajnerit në fjalë.