NË PEJË
Foto: KB Peja Official
Karagaçi mbetet i pathyeshëm
11 November, 2015 @21:09
Ekipi i pamposhtur deri sonte në Grupin B të BIBL, Levski 2014, është ndarë kokëulur nga Karagaçi sonte.
Peja ka shënuar fitoren e dytë në Grupin B të Balkan League, derisa ka njoftuar ekipin bullgar me humbje. Kjo ka qenë humbja e parë e Levskit këtë stinor në BIBL.
Pjesa e parë e ndeshjes ka qenë krejtësisht e barabartë, ndërsa në pjesë të dytë, saktësisht në çerekun e tretë, Peja krijoi një distancë pak më të madhe (5-9 pikë) ndaj bullgarëve dhe me këtë menaxhuan deri në fund, edhepse rrezikshëm - por sidoqoftë fitorja erdhi.
Kevin Burwell përsëri shkëlqeu për verdhezinjtë. Pa asnjë minutë pushim në ndeshje, ai shënoi 20 pikë, duke u bërë lojtari më efikas i Pejës, që vuajti mungesën e Nenad Delicit sonte, për shkak të një lëndimi.
Alban Veseli dhe Drilon Hajrizi gjithashtu kanë qenë në element, me nga 12 pikë të shënuar, derisa Fisnik Rugova shtoi 10 pikë tjera për të siguruar fitoren.
Te ekipi rival, alo-qendra Hristo Nikolov ka qenë i pakapshëm thuajse, por 24 pikët e tij, 7 kërcimet dhe 4 asistimet nuk mjaftuan për fitoren e ekipit të tij.
Peja tashmë ka bilanc 2-1 pas kësaj ndeshjeje, sikurse edhe Levski.
Statistikat ekipore
| Peja | Levski | ||
| Çereku i parë | 22 | 20 | |
| Çereku i dytë | 19 | 20 | |
| Çereku i tretë | 16 | 10 | |
| Çereku i katërt | 18 | 18 | |
| Kërcime | 33 | 37 | |
| Asistime | 14 | 21 | |
| Bllokada | 1 | 1 | |
| Topa të vjedhur | 7 | 3 | |
| Topa të humbur | 8 | 19 | |
| Tentime për tre pikë | 8/31 | 8/27 | |
| Tentime nga loja | 29/74 | 28/55 | |
| Tentime nga gjuajtjet e lira | 9/10 | 4/10 |
Statistikat individuale te Peja
| 1 | Kevin Bruwell | 20 pikë | 3 kërcime | 2 asistime |
| 2 | Drilon Hajrizi | 12 pikë | 7 asistime | 3 kërcime |
| 3 | Alban Veseli | 12 pikë | 2 asistime | 2 kërcime |
| 4 | Ronald Davis | 10 pikë | 7 kërcime | 2 asistime |
| 5 | Fisnik Rugova | 10 pikë | 4 kërcime | 1 asistim |
| 6 | Sam Muldrow | 7 pikë | 5 kërcime | - |
| 7 | Rron Grapci | 2 pikë | 4 kërcime | - |
| 8 | Leonard Mekaj | 2 pikë | - | - |
| 9 | Samir Zekiqi | - | 1 kërcim | - |
Statistikat individuale te Levski
| 1 | Hristo Nikolov | 24 pikë | 7 kërcime | 4 asistime |
| 2 | Ilija Milutinovic | 16 pikë | 8 kërcime | 1 asistim |
| 3 | Tyler Laser | 11 pikë | 9 asistime | 8 kërcime |
| 4 | Pavel Ivanov | 8 pikë | 4 asistime | 2 kërcime |
| 5 | Yordan Minchev | 5 pikë | 4 kërcime | 1 asistim |
| 6 | Ventsislav Petkov | 2 pikë | 3 kërcime | 1 asistim |
| 7 | Evgeni Hadzhirusev | 2 pikë | - | - |
| 8 | Aleks Simeonov | - | 1 kërcim | 1 asistim |
