VËLLAZNIMI (F) - KASTRIOTI (F)
KBF Vëllaznimi i kthehet fitoreve
25 November, 2020 @19:15
Pas humbjes në xhiron e kaluar kundër Bashkimit, vashat e Vëllaznimit e mposhtën bindshëm Kastriotin me rezultat 98-56.
Skuadra gjakovare nga fillimi i ndeshjes e deri në fund nuk ishte në disavantazh në asnjë moment.
Raven Baker shkëlqeu me 42 pikë, 5 asistime, 5 topa të rrëmbyer dhe 2 kërcime te Vëllaznimi, derisa u ndihmua edhe nga Sarah Mgbeike me 19 pikë, 28 kërcime e 6 asistime dhe nga Rina Hoda me 12 pikë të tjera.
Te Kastrioti u dalluan Agnesa Rrahmani me 31 pikë e 5 kërcme dhe Amani Alexander me 18 pikë.
Vëllaznimi me 5 fitore e 1 humbje gjendet në pozitën e dytë, ndërsa Kastrioti ende është pa fitore.
KBF Vëllaznimi në xhiron tjetër do të takohet me Prishtinën, kurse Kastrioti me Penzën.
