CAMP NOU
Foto: Barcelona
Koeman dëshiron Depay para Aguero-s
11 March, 2021 @16:06
Barcelona dëshiron të transferojë një sulmues gjatë afatit të verës, pasi që hapësira e lënë nga Luis Suarez nuk po arrin të mbulohet nga askush.
Kun Aguero ka qenë njëri nga emrat e lakuar që mund të transferohet tek Barca, por pa ndonjë gjë konkrete. Megjithatë trajneri i Barcelonës, Ronald Koeman, e dëshiron bashkëkombësin e tij, Memphis Depay para argjentinasit në skuadër. Këtë e ka bërë të ditur mediumi Sport.
Të dy sulmuesve iu përfundojnë kontratat në qershor, por sulmuesi i Lyon shihet si synimi kryesor i Koeman, me të cilin kishte punuar tek kombëtarja e Holandës dhe mendon që ai do të përshtatej më mirë në skuadër.
