Rastet e humbura i kushtojnë Barcelonës, Parisi në çerekfinale

Përkundër se në pjesë të parë të ndeshjes kanë pasur raste të panumërta për të shënuar para se të pësojnë golin e parë, Barcelona nuk ka arritur këtë.

Ousmane Dembele ka humbur minimalisht 5 raste ideale për të shënuar, falë syçeltësisë dhe reagimeve mjeshtërore të Keylor Navasit dhe kështu, Barcelona ka humbur rastin për të shpresuar më shumë në pjesë të dytë.

Parisi kapi epërsinë në ndeshje pas penalltisë së shkaktuar nga Clement Lenglet, të cilën e konkretizoi Kylian Mbappe, ndërsa barazoi shpejt me një gol fantastik Leo Messi - që doli të jetë rezultat përfundimtar i ndeshjes 1-1 [Mbappe 30p - Messi 37].

Messi më pas ka dështuar të shënojë penalltinë dhe kështu pjesa e parë përfundoi 1-1. Në pjesë të dytë përkundër tentimeve të Barcelonës, Navas nuk u thye dhe Parisi eci tutje në mesin e tetë ekipeve më të mira të këtij stinori në Evropë.

Kujtojmë, ndeshjen e parë Parisi e fitoi ndaj Barcelonës thellë, 1-4.