Komunikata e Pejës

Skuadra e Pejës ka lëshuar një komunikatë në llogarinë zyrtare të ekipit në Facebook, duke bërë të ditur edhe njëherë në mënyrë më të gjërë, arsyet e mosdaljes në pjesë të dytë. 

Po ua sjellim atë të pandryshuar dhe si është e botuar: 

“SQARIM: KB PEJA deshiron te njofton basketbolldashesit dhe tifozet e saj se që nga momenti i hyrjes në sallë e deri ne perfundim te pjesës së parë të ndeshjës, ekipa dhe kryesia ishin fyer, kërcnuar e shantazhuar në mënyrën më të keqe. Në përfundim të pjesës së parë disa huliganë kanë kaluar anën e ulseve tona dhe kanë sulmuar zyrtarë të klubit tonë. Pas ketij momenti është arrestuar një anëtar i vjetër i kryesisë.

Në këtë rast klubi ka kërkuar nga Policia masa shtesë sigurie për të mos u vënë në rrezik sigurine e ekipës dhe zyrtarëve të klubit.

Pastaj, me kërkesën e disa zyrtarëve të Policisë së Kosovës ekipa jonë ka qëndruar pranë derës së hyrjës dersa policia të vlersoj sigurinë në sallë.

Kryetari i klubit se bashku me anëtarët e tjerë kishin dhënë vendimin që ekipa të kthehet në fushë e për këtë janë dëshmitar edhe kryetari i Federatës se Basketbollit të Kosovës, z. Erolld Belegu i cili kërkoj nga Komisari që pauza të shtyhet edhe për 15 minuta per shkak te rrethanave te krijuara, kërkesë e cila nuk u respektua nga gjyqtari i ndeshjës së këtij takimi.

KB Peja çdo herë ka punuar për të mirën e basketbollit dhe do vazhdoj të punoj edhe në të ardhmen, por në momente kur cenohet siguria e ndonjërit prej anëtarëve të klubit ne vepruam si cdo Klub apo institucion, kerkuam masa te shtuara te policise.

Në gjithe këtë situate kanë qene prezent edhe zyrtarë të Federates se Basketbollit të Kosovës dhe shpresojmë që të merret nje vendim i drejtë nga ana e tyre.”