Konfirmohet data e fillimit të stinorit pranveror

Bordi i Federatës së Basketbollit të Kosovës në mbledhjen e sotme ka caktuar edhe datën e fillimit të stinorit pranveror në Superligë.

Sipas vendimit të parë nga mbledhja e sotme, Superliga do të fillojë në fundjavën e tretë të muajit janar, apo saktësisht me datat 17/18 janar.

Në javën e parë të pjesës së dytë të kampionatit do të jenë këto përballje: Ylli - Bashkimi, Vëllaznimi - Sigal Prishtina, Kastrioti - Trepça dhe Peja - Besa.

Siç dihet, kampion i pjesës vjeshtore të Superligës është shpallur Sigal Prishtina, për shkak të koshaverazhit më të mirë se Peja, pasi që të dy skuadrat kanë pasur bilanc të njëjtë me 13 fitore dhe 1 humbje.