Hysenagolli dhe Biraj falenderojnë tifozët

Qendra shqiptare e Bashkimit të Prizrenit, Endrit Hysenagolli, ka falenderuar tifozët e ekipit të tij, pas humbjes së sontme ndaj Pejës, për përkrahjen e dhënë. 

“Falenderim i veçantë shkon për tifozët tanë që na keni përkrahur në çdo moment dhe sot, më shumë se kurrë pavarësisht humbjes,” ka shkruar ai në llogarinë e tij personale në Facebook menjëherë pas ndeshjes derbi të xhiros ndaj Pejës.

Ngjashëm sikur Hysenagolli veproi edhe kapiteni i skuadrës së Bashkimit, Qëndrim Biraj, i cili tregoi se ndjehet krenarë për përkrahjen e tifozëve prizrenas.

“Faleminderit të gjithë Arpagjikëve për përkrahjen, edhepse ne humbëm, ju ishit fituesit absolut në këtë ndeshje.Respekt,” ka shkruar Biraj.  

Hysenagolli dhe Biraj kanë qenë ndër basketbollistët kryesorë të Bashkimit gjatë stinorit vjeshtor, derisa ekipi ka përfunduar në vend të tretë pas dyshes Sigal Prishtina dhe Peja.