Peja e fortë për Bashkimin

Peja ka vazhduar serinë e pamposhtshmërisë së saj edhe në xhiron e fundit të stinorit vjeshtor.  Borozani.com

Ekipi i udhëhequr nga Boris Kurtovic ka arritur të shënojë fitore më lehtë sesa që është pritur ndaj Bashkimit në Prizren, para tifozëve portokall-e-zi në Sezai Surroi. 

Fillimi i furishëm i pejanëve ka qenë i mjaftueshëm për një ndeshje të qetë dhe të kontrolluar për verdhezinjtë që kanë shënuar fitoren e 12-të me radhë në Superligë, duke vazhduar serinë më të gjatë të stinorit me fitore. 

Në anën tjetër Bashkimi përkundër se u përpoq për më shumë, assesi nuk arriti t’i bëj ballë nënkampionit aktual të Kosovës. 

Samir Shaptahovic, që luajti pa pushim në këtë ndeshje, realizoi 24 pikë dhe 7 asistime në ndeshje ndaj ish ekipit të tij të dikurshëm, duke u bërë edhe lojtari i ndeshjes me efiçencë të kuotuar 31. 

Drilon Hajrizi dhe Alban Veseli ishin dyshja tjetër që ndihmoi në fitoren e ekipit me 18 dhe 16 pikë të shënuara. 

Te vendasit, më i dalluar sonte ka qenë Spencer Dixon me 22 pikë të shënuara, derisa Endrit Hysenagolli realizoi 18 pikë të tjera në humbjen e ekipit të tij. 

Derisa Peja ka përfunduar vjeshtën si nënkampione e stinorit, Bashkimi ka siguruar vendin e tretë përkundër humbjes. 

Rezultatet dhe Tabela aktuale

Statistikat ekipore:

Statistikat individuale te Bashkimi

Statistikat individuale te Peja