FITORE E KOSOVARIT
Kosovari mposht Borean dhe ngritet në renditje
14 December, 2023 @21:58
Skuadra që po debuton në Ligë të Parë këtë stinor, Kosovari, ka arritur të mposht Borean e Pejës sonte, ndërsa në fitoren me 20 pikë dallim, 102-82, ka shënuar fitoren e tetë sezonale për të dalë mbi Borean në renditje.
Të drejtuar nga I. Prebreza, te Kosovari më efikasi ka qenë Eliot Peci me 30 pikë të shënuara, ndërsa 20 pikë i ka dhënë Arti Islamaj e 19 të tjera Adrian Ibishi.
Te Borea e drejtuar nga Hekuran Husaj, performanca prej 32 pikëve e Andi Ahmetit nuk ka mjaftuar për më tepër. Me fitore, Kosovari del në pozitë të katërt me bilanc 8-4, ndërsa Borea bie në të pestën me 7-6.
