Kroacia me shumë mund ndaj kundërshtarit të Kosovës

Një takim tejet interesant u zhvillua sot në kuadër të Grupit C mes Hungarisë e Kroacisë.

Hungaria, që do të jetë kundërshtare e Kosovës në kualifikimet drejt ‘Kina 2019’, tregoi se është një skuadër tejet e fortë dhe i bëri ballë Kroacisë deri në fund, ndërsa shkëputja në rezultat u bë në çerekun e fundit, aty ku kroatët aplikuan mbrojtje tejet agresive dhe përmes sulmit të udhëhequr nga Bojan Bogdanovic e kthyen ndeshjen në anën e tyre. Takimi përfundoi me rezultatin përfundimtar 58-67 në të mirë të kroatëve.

ORARI DHE GRUPET - EUROBASKET 2017

Më i miri te Kroacia në këtë takim ishte Bojan Bogdanovic me 23 pikë, derisa Hungaria u udhëhoq nga Zoltan Perl me 12 pikë.

Për t’u përmendur nga ky takim është fakti që Hungaria sot pati plot 21 kërcime në fazën e sulmit, një numër ky tejet i madh kur dihet që për kundërshtar e kishte Kroacinë dhe gjithashtu një statistikë që përfaqësuesja e Kosovës duhet ta ketë parasysh para dueleve me Hungarinë drejt ‘Kina 2019’.