GAME 2: JAZZ - GRIZZLIES
Kthehet Mitchell, vjen fitorja
27 May, 2021 @12:05
Utah Jazz me kthimin e Donovan Mitchellit nga lëndimi, e mposhti Memphis Grizzlies me rezultat 141-129.
Jazz u mposht në ndeshjen e parë nga Grizzlies, derisa rikthimi i Mitchellit luajti rol të rëndësishëm në fitoren e Utah.
Donovan Mitchell ishte më i dalluari me 25 pikë, kurse u ndihmua edhe nga Rudy Gobert me 21 pikë e 13 kërcime dhe Mike Conley me 20 pikë e 15 asistime.
Te Grizzlies Ja Morant shkëlqeu me 47 pikë e 7 asistime, por performanca e tij nuk mjaftoi për fitore.
Më këtë fitore të Utah Jazz, barazohet seria në 1-1, derisa ndeshja e tretë luhet më 30 maj nga ora 3:30.
