GAME 2: SUNS - LAKERS
Davis e James kujdesen për fitoren e parë të kampionit
26 May, 2021 @10:05
Kampioni aktual i NBA-së, Los Angeles Lakers, pas humbjes në ndeshjen e parë, në ndeshjen e dytë e mposhti Phoenix Sunsin me rezultat 102-109.
Lakers e kishte një epërsi prej 15 pikëve gjatë lojës, por Suns nuk u dorëzua dhe e barazoi rezultatin në fund.
Por në skenë dolën dy super yjet e Lakersave, Anthony Davis dhe LeBron James, që u kujdesën për fitoren e skuadrës.
Davis luajti me 34 pikë, 10 kërcime e 7 asistime, kurse James me 23 pikë, 9 asistime e 4 kërcime.
Te Suns Devin Booker shënoi 31 pikë, kurse u ndihmua edhe nga Deandre Ayton me 22 pikë e 10 kërcime.
Seria barazohet në 1-1, derisa dy ndeshjet e radhës do të luhen në Los Angeles. Ndeshja e tretë zhvillohet më 28 maj nga ora 4:00.
