LAKERS - HAWKS
Lakers kalon edhe Atlantën
18 November, 2019 @10:08
Los Angeles Lakers, duke e mposhtur Atlanta Hawksin me rezultat 122-101, e regjistroi fitoren e 11 të stinorit.
Me përforcime të bëra gjatë verës, skuadra e Lakersit u shndërrua në njërin ndër kandidatët kryesor për ta fituar titullin, e këtë po e dëshmojnë edhe me rezultate.
Lakers nën dirigjimin e LeBron Jamesit, gjatë tërë ndeshjes asnjëherë nuk e lëshuan epërsinë ndaj Hawksit.
Super ylli James përsëri shkëlqeu në parket. Ai luajti me 33 pikë, 12 asistime e 7 kërcime, derisa përveç tij edhe 6 lojtarë të tjerë te Lakers luajtën me pikë dyshifrore.
Te Atlanta më i miri ishte Trae Young me 31 pikë e 7 asistime.
Lakers aktualisht është skuadra me më së shumti fitore me 11 në total, derisa pësuan vetëm dy herë dhe gjenden në krye të Konferencës Perëndimore.
