LOS ANGELES
Lakers në depresion
1 January, 2014 @15:52
Skuadra e Lakersit, pothuajse me padurim është duke pritur që të përfundojë stinori. Më parë, kundërshtarët nguronin që të luajnë në Staples Center, ngase gjasat për ta mposhtur Lakersin, ishin minimale.
Ndërsa tani, skuadra më e dobët në NBA, Milwaukee Bucks, arriti që të nxjerrë fitore në Los Angeles, duke dominuar gjatë tërë ndeshjes, bile as rezultati nuk është barazuar në 48 minutat e ndeshjes.
Ndeshja përfundoi me rezultat 94-79, në favor të Bucksit.
Brandon Knight, ishte më i miri tek mysafirët me 37 pikë e 8 kërcime, ndërsa në anën tjetër, 25 pikët e Nick Youngit dhe Pau Gasolit, nuk mjaftuan për LA.
Kjo ishte humbja e gjashtë me radhë e Lakersit dhe gjenden në pjesën e poshtme të tabelës në Konferencën Perëndimore.
Tek rezultatet negative, pa dyshim rol të rëndësishëm janë duke luajtur mungesat si Kobe Bryant e Steve Nash, të cilët janë të lënduar.
Video
Ngulitja e Antetokounmpos
